本身租緊啟德三房大約3萬，去年簽約時應該就低於市價少少。業主就一直非常神秘，一直只能透過代理去聯絡佢，包括簽約、過數都系。
今年死約就快到期，業主一直未有聯絡我，我以為咁好可以原價續約，不過我都預計會加少少，可能$1,000- $1,500。
到了死約完之前半個月，業主代表先突然WhatsApp我話如果要繼續住，就要加$5,000！！加幅之大，當堂嚇了我一跳，$5,000等於17%，過去一年中原租金指數大約只升7%，而且樓價今年大約都跌了7%，現在經濟又不明朗，反而被人狂加。
初初，我以為業主都系開個高價預我還價，點知業主一個仙都不肯減，因為最近啟德同類型屋苑和間隔的3房尺租差不多去到$50/尺，又真係租到閒閒地租到3.6萬至3.9萬。咁無辦法，唯有去揾下其他區，一搜索先發現其他區都貴了好多。
例如將軍澳近海或者康城大三房都去到3萬至3.3萬，早兩年先2.5萬左右，沙田或者大圍3房都要2萬尾到3萬中，然後我發現一個現象，內地人租樓比例高的地區租金最近一年系升得好快，包括啟德、將軍澳、大圍、沙田、西環這幾個重點區域，反而找其他區，或者一些樓齡比較高的大廈，租金水平就沒有太大的升幅。
話說回頭，我向業主說應該不打算續租，不過時間緊逼，搬屋揾屋都要時間，原本同業主講話租多半個月去到年底，本身業主同意。到了下午，業主代表便不再等我確實回覆，說已經以高$7,000的租金租了給新租客，新租客連樓都無睇過就答應了，而且我還要準時搬走，由問我續不續約到要揾到新租客要我走都不足48小時。
解決怒氣的方法就是以暴亦暴，加番自己租客租，我是一個雙租族，有個細一點的2房單位在啟德，租了比內地專才，經過近日的研究，原來市價租金已經由去年的2.1至2.3萬升至2.5至2.8萬，本身仲想就咁繼續，現在我唯有將業主對我做的做番一次。
發表迴響