最近隔離 Team 有位 Junior 好神勇，忽然向上司遞信——裸辭。
無新工、無 backup，照走，純碎因為唔鐘意上司
我聽到即刻愕然。
「佢唔係有樓供、屋企人又要做手術咩？點解咁淡定？」
問深少少，先發現人哋根本唔係凡人 ——係幣圈高手。
佢 2018 年畢業，第一份工就係加密貨幣相關公司做，人工有一部份用比特幣出。而且嗰陣（2018-2019）比特幣由 $19,000 跌到 $3,500，別人恐慌時，她見價錢便，照樣買入。結果，到 2020 年前，佢手上已經有 6 粒比特幣。
唔夠一年幾，2021 年幣價升到 $61,000 ——資產一度超過三百萬，佢係公司連講話都硬淨咗啲，唔駛比面上司 😎，後來輾轉來到現在和加密貨幣完全無關的公司。
但好景不常，2022 年比特幣跌返去 $16,000，戶口由 300 萬變 120 萬。
佢話嗰陣「睇住個數字好似睇住自己啲鬃毛跌緊」，心情忐忑不安，發誓如果去翻$6萬就會賣灑全部比特幣。
等了近3年，去到 2024 年，比特幣終於再破頂。加上屋企人話「買樓先穩陣啲啦」，佢最終喺 $65,000～$67,000 放晒貨，成功套現 300 幾萬，然後五成按揭買咗層樓落嚟。
我聽完讚佢勁。佢笑笑口話：「都有少少後悔啫，
如果唔急住賣，依家啲幣值 550 萬，差唔多 Full Pay。」
聽到呢度，大叔的我只得苦笑：
「致富列車開過好多次，我永遠企喺月台上目送。」
💭 有時覺得，裸辭唔一定係莽撞，
而係當你手握底氣，
就算市場狂風暴雨，都能淡然自若。
而我——仍然努力尋找下一次嘅「比特幣 moment」。
發表迴響