上回講到【我在Big 4 荒謬的日子】，有人留言話我一定系細個扶得多老人家過馬路，所以遇上好老闆。實情是我未扶過老人家過馬路，所以節墮的日子好快就降臨在我身上。
做了Big 4差不多一年，Keep住有揾工，終於揾到份自己想入行的Trader工作，人工番幾倍，Take Offer之前，新老闆都講明Probation 後得大約一半人可以留低，咁既然系自己夢想工作，我都照試啦。
當時仲未有咁多Algo，Trader 好睇計數快唔快，面試過陣個D基本心算題目我都好高分，拋離其他人，不過交易世界就唔係甘簡單直接，最大問題系我連Bid Ask都經常搞亂，首先莊家身份Bid和Ask和自己平時散戶身份買賣股票是剛剛調轉的，然後例如如果你Short Put，等於Long Delta，要對沖，要需要Short正股的，又Long又Short又Bid又Ask，加埋英文唔係我母語，所以系正負正負正負，加埋Senior不斷粗口吹逼下，就成日搞錯灑D方向，咁就死得啦，莊家都係賺個少少Arbitrage，叫你去買就賣，叫你去賣就買，咁公司仲灑賺錢。所以Probation都未到，我已經被老闆怒炒。
甘個陣畢業都未夠一年，已經做了兩份工兼失業，個CV系爛灑，系比較難揾工（當然後來識人知道點包裝一樣有出路），個陣揾左2個幾月都無回音。最後有一間炒牛熊證的細公司幾千元底薪請，我都照Accept，幸好在上班前一日的最後時刻，另一間公司比左個Offer我，雖然系之前間公司的一半，但都比幾千元正常得多。當然，之後又是另一個奇特的經歷了。
第1集：【我在Big 4 荒謬的日子】
第2集：【風流打工完即刻折墮被炒】
第3集：【無野做只出糧的工作是否真系好事？】
【各行業薪酬：醫生 | 律師 | 會計Big4 | 投資銀行 | 匯豐 | 渣打 | I-bank畢業生 | 教師 | MT | AO EO | Marketing | 地產零售IT | 管理層 | PM/BA】
發表迴響