空頭支票「彈票黨」
假設你在Carousell正在售賣一件貨品，然後一位合適買家出價購買，願意付出$2,000，然後你就接受出價，提供自己的銀行轉賬戶口資料給買家。
過了幾分鐘，買家和你講表示不小心按多了一個「零」，轉了$20,000給你，問你可不可以比翻$18,000佢，然後你自己開網上銀行App查過，又發現戶口結餘真係多左$20,000，所以便轉番$18,000比個位買家。
之後問買家交收方法時，便發現自己已經被人Blocked了。然後仔細再睇網上銀行資料，發現原來雖然「戶口結餘」多了$20,000，但「可用結餘」其實並沒有增加，原來對方只是入了一張空頭支票，而這個人並不是真正的買家，只是詐騙集團，利用銀行需要一日才能結算支票的漏洞來欺詐。
變種詐騙方法 —— FPS 三方詐騙
「彈票黨」出現得多，支票需要一天結算的規則也有很多人知道，所以近年也有用FPS、支付寶、或者其他更複雜的騙案出現。方法再絕一點，例如上述例子你是賣家，正在賣一件$2,000的貨品，詐騙集團出價後自己不會俾錢你，而是同時在Carousell售賣一些跟更貴例如$20,000的產品，待買家C出價後，就叫買家C俾錢至你的戶口。
然後重複以上的對話，詐騙集團表示不小心按多了一個零，轉了$20,000給你，問你可不可以比翻$18,000給他戶口，然後你自己開網上銀行App又發現戶口真係多左$20,000，所以變轉賬$18,000比詐騙集團的賬戶上。這個時候詐騙集團功成身退，變相你收了買家C $20,000但你沒有發貨，C去報警，警方有齊資料可以拘捕你，而真正的詐騙集團早已經消失了，當年有朋友因為這樣就逗留了警局一個通宵，而且仲要定期報到，又用左萬幾塊律師費用 。
發表迴響