初四上班後，收到隔離部門主管嘅利是——你話有咩比收到冇金錢、得福音或者揮春嘅利是更令人失望？我本來都諗唔到，直到我覺得嗰封好似特別薄，就好奇打開睇下，點知原來係「乜。都。冇」。
唔止冇錢，連張「身體健康」都冇；冇揮春，也福音都唔傳，連一個祝福都冇。除咗浪費一個利是封、順便破壞下環境之外，我真係完全唔知佢有咩用途。
更精彩嘅係，我唔係唯一中招嗰個。我問同事：「你嗰封係咪都……」 對方眼神已經講完故事，然後我哋默默對視，確定咗呢件事唔係個別事件，而係該主管真係派出咗一批「純利是封」，大家都係同款待遇🤣。
迷信啲嘅人會話派空利是會令自己身體唔健康，大家其實都估到最大機會係主管大意，派錯咗。有人提議：「不如提返佢？」但現實係，呢位主管平時都唔太受歡迎，於是全體瞬間達成成年人的共識：「算啦，有得佢。」
因為有時最舒服嘅報復唔係追究，係集體放生：
我地繼續返工，佢繼續尷尬（雖然佢可能完全唔知），而呢件事就變成辦公室新年最穩陣嘅笑話——每年都可以拎出嚟翻炒一次。
發表迴響