你以為自己好小心？但身邊人嘅疏忽，足以令你中招
有朋友喺公司返工，某日無意中打開公司內部Share Drive，赫然發現入面竟然存放住極高級管理層嘅敏感個人資料——身份證副本、住宅租約、稅單，甚至其他同事嘅機密文件，全部一覽無遺。任何有權限進入呢個Share Drive嘅員工，都可以隨時睇到。
追查之下，原來係該高層嘅秘書為咗方便處理文件，將所有資料統統上載到Share Drive，但佢根本唔知道其他同事都可以Access到呢個資料夾。換言之，呢批極度敏感嘅個人資料，可能已經喺公司內部「公開展覽」咗唔知幾耐。
呢個個案最令人不安嘅地方係：當事人本身完全無犯過任何錯——無亂撳連結、無洩露過密碼、無遺失過證件。但單單因為身邊一個人嘅疏忽，個人資料就已經暴露喺風險之中。而如果呢啲資料被有心人攞到手，後果可以好嚴重。
「被借錢」近百萬 事主乜都無做過
《東張西望》最近也報道咗另一宗同樣驚人嘅個案：事主從未踏足過某間數字銀行，亦無簽署過任何文件，卻突然收到開戶通知同追款信件。一查之下，名下竟然多咗一筆接近百萬港元嘅貸款。更加離奇嘅係，據報道指當日「現身」開戶嗰位人士，樣貌同事主根本完全唔同，但整個開戶流程依然獲得通過。
事主打去查詢，對方表示系統顯示已經順利通過程序，並儲存咗佢嘅基本資料，包括姓名、證件號碼同地址。信貸報告上已經出現大額貸款紀錄，信貸評級瞬間受到影響。
兩單嘢加埋一齊，帶出同一個殘酷現實：「我夠小心」並唔等於「我夠安全」。你嘅個人資料可以因為公司同事嘅疏忽、數據庫洩漏、甚至一個你從未接觸過嘅環節而落入他人手中。
你嘅個人資料，仲可以點樣被盜？
除咗上述嘅內部資料外洩之外，仲有幾種極為常見嘅途徑：
AI深偽技術與語音克隆：騙徒利用AI技術，透過錄音樣本模仿你親友或上司嘅聲音，甚至用Deepfake技術偽造影片，誘騙你或你身邊嘅人交出敏感資料。AI亦可以生成極具說服力嘅釣魚郵件或訊息，令人不知不覺就撳入惡意連結。
假冒官員來電：騙徒冒充警察、入境處、海關、法院甚至廉政公署人員，以「涉及案件」、「身份異常」為由恐嚇你提供身份證號碼、銀行帳戶資料，甚至要求轉帳所謂「保證金」。佢哋仲會偽造來電顯示，令電話號碼睇落似政府機構。
WhatsApp帳戶盜用與冒充親友：騙徒透過釣魚短訊盜取你嘅WhatsApp帳戶，再假冒你向聯絡人行騙。冒充親友「換咗新號碼」再借錢，亦係非常常見嘅手法。
假冒銀行、積分計畫或保險公司短訊：騙徒發送假短訊，聲稱你嘅帳戶或保單有異常，要求你撳入連結更新資料，從而盜取個人資訊。
暗網資料買賣：大規模數據洩漏事件中流出嘅個人資料，往往會出現喺暗網上面被買賣，你根本無從得知自己嘅資料有無已經外洩。
一旦你嘅個人資料落入騙徒手中，佢哋就可以冒充你去開戶、借貸、申請信用卡，而你完全唔知情。
出事之後，你幾快知道？
日常防護當然重要——避免使用公共WiFi、設定高強度密碼、啟用雙重驗證（2FA）、唔好隨便提供驗證碼或個人資料。但正如以上兩個個案所見，就算你自己做足晒所有防護措施，身份仍然有機會因為其他人嘅疏忽或系統漏洞而被盜用。
所以真正嘅問題係：當有人盜用你嘅身份去借錢或開戶，你可以幾快知道？等到追數信寄到屋企、銀行打嚟追款、甚至信貸評級已經下跌先發現，往往已經太遲。
「信貸監察服務」第一時間知道異動
環聯（TransUnion）嘅信貸監察服務，正正係針對呢個「時間差」而設，核心功能係即時信貸提示。
當你嘅信貸報告出現重要變動，系統會即時向你發出通知。咩係「重要變動」？包括有人用你嘅身份開設新嘅信貸帳戶、申請貸款、或者信貸報告上出現新嘅查詢紀錄。換句話說，如果好似《東張西望》個案咁，有人冒充你去數字銀行開戶兼借錢，你唔需要等到收到追數信先知——信貸提示會喺變動出現嗰刻就通知你，令你可以即時採取行動。
除咗即時提示之外，環聯嘅服務仲包括幾個重要功能。你可以無限次查閱自己最新嘅信貸報告同信貸評分，隨時了解有無異常紀錄，服務亦會提供個人化建議，講解邊啲因素影響緊你嘅評分。信貸評級每一次變動都馬上收到通知，唔再係「後知後覺」睇月結單，而係關鍵時刻有工具第一時間提示你。
暗網監察 堵截源頭風險
除咗信貸監察，環聯TU嘅「暗網監察服務」喺另一個層面提供保護。服務會24小時喺暗網巡查，一旦發現你嘅個人資料——例如身份證號碼、電郵地址、電話號碼等被洩露喺暗網上面，就會即時向你發出通知。
呢個功能嘅重要性在於：好多時候個人資料外洩（例如上面提到嘅公司Share Drive事件），當事人根本唔會知道自己嘅資料已經流出。暗網監察等於幫你「睇住」呢啲你平時接觸唔到嘅地方，一有風吹草動就通知你。
記住提醒身邊嘅人都定期查閱信貸報告——無論係屋企人、同事、定係朋友。唔好等到下一個新聞出現嗰陣，先擔心會唔會輪到自己。
唔好等出事先行動
如果能夠及早啟用信貸提示功能、定期查閱信貸報告，一旦出現異動就第一時間收到通知，就有機會將問題扼殺在萌芽階段，避免損失擴大。
👉 立即了解更多
發表迴響